Neumine pvt. ltd. Quick Review
                               

BBC Live अन्तरबार्ताहरु कान्तिपुर टि. भी. Live Onlinekhabr बि बि सी नेपाली youtube.com Facebook.com Top 50 websites Top youtube Channels
Breaking News(Read All >>Click Here सबै पड्नुहोस )
Sky news Live ABC News Live CNN Live Live.com google.com Gmail
Breaking News(Read All >>Click Here सबै पड्नुहोस )
आज तक Live Watch Al Jazeera English Live Reuters Wall Street Journal China News Xinhuanet.com RT News Live ईकान्तिपुर
Breaking News(Read All >>Click Here सबै पड्नुहोस )
Tmall.com Twitch.tv Business:Investing Economist Fortune
Tmall.com Baidu.com Bloomberg Live ESPN Gol TV Live Shanghai Sports Live Watch NASA Live Sky Sport History Channel Live Discovery Channel Live
More Tv Channel
  • Best Movies HD
  • HBO
  • ITV1
  • Movies 4 man
  • Start sports
  • Bollywood Cinema
  • New Movies(holywood)
  • Kiss TV(music)
  • 9X Jhakaas
  • Game Time
  • Show Time
FreeFire Play Free Online Game Netflix, Hulu, HBO, Disney+, Prime Video, and more! Viral Videos, Movies and Tv Shows Play Mobile Game online Free Watch Movies,TV Shows Free Fans Share हाम्रो पात्रो ट्प युटुब भिडिओहरु सिडिएस एंड क्लेयरिङ्ग नेप्से मेरो लगानी ई सेवा नया नेपाली चलचित्रहरु/मनोरंजन


कालीगण्डकी करिडोर धमाधम कालोपत्र

तस्बिर : सुरेन्द्र झाको फेसबुकबाट

४३५ किमि लम्बाइको करिडोरमा अब ५ सय मिटर मात्रै ट्र्याक खोल्न बाँकी तीन खण्डमा विभाजन गरेर कालोपत्र सुरू, कोरला खण्डमा कालोपत्रको काम अन्तिम चरणमा

रुपन्देही — दुवै छिमेकी मुलुक भारत र चीन जोड्ने र आर्थिक मेरुदण्डका रूपमा प्रचार गरिएको कालीगण्डकी करिडोरमा कालोपत्रको काम अघि बढेको छ । ४३५ किलोमिटर लम्बाइको सडकलाई तीन खण्डमा विभाजन गरेर काम भइरहेको छ । अधिकांश स्थानमा ट्र्याक खुलेर करिडोरमा यातायात चल्न थालेसँगै दुर्गम गाउँबस्ती बजार र व्यापारिक केन्द्रमा परिणत हुन थालेका छन् । 

पहिलो खण्ड भारतको ठुटीबारी नाकादेखि पूर्वी नवलपरासीको गैंडाकोट, दोस्रो खण्ड गैंडाकोटदेखि पाल्पाको राम्दी, गुल्मीको रिडी हर्मिचौर हुँदै बागलुङको मालढुंगा र तेस्रो खण्ड मालढुंगादेखि मुस्ताङको कोरलासम्म छ । कोरला खण्डमा कालोपत्र गर्ने काम अन्तिम चरणमा छ । २४५ किमि लामो दोस्रो खण्डमा कालोपत्र गर्न साढे ६ अर्बभन्दा बढीमा ठेक्का सम्झौता भएको छ । जसमध्ये गैंडाकोटदेखि राम्दी खण्डको १३१ किमिमध्ये १२ किमिमा कालोपत्र भइसकेको छ । रिडीदेखि हर्मिचौर हुँदै मालढुंगा खण्डको २१ किमि सडकमा शनिबारदेखि कालोपत्र गर्न थालिएको छ ।

परराष्ट्रमन्त्री प्रदीप ज्ञवालीले करिडोरको गुल्मी खण्डमा कालोपत्रको कामको थालनी गरेका छन् । उनका अनुसार करिडोर आर्थिक, सांस्कृतिक र पर्यटकीय महत्त्वको त्रिदेशीय पारबहन मार्ग हो । देशकै भाग्यरेखा बन्ने परियोजना भएकाले सरकारले प्राथमिकतामा राखेर काम गरिरहेको उनले बताए । ‘चिनियाँ बौद्ध धर्मावलम्बी बुद्ध शिक्षा अध्ययनका लागि लुम्बिनी र पटना यही मार्ग भएर पुगेको इतिहास छ,’ उनले भने, ‘भारतीय व्यवसायी कालीगण्डकीको किनारैकिनार चीनको कोरला पुग्ने गर्थे ।’ उक्त इतिहासले कालीगण्डकी किनार ‘रेशम मार्ग’ का रूपमा परिचित भएको उनले बताए ।

कालीगण्डकीको किनारैकिनार निर्माणाधीन करिडोरलाई सरकारले आर्थिक समृद्धिको ‘लाइफलाइन’ भन्दै राष्ट्रिय गौरवको आयोजनामा राखेको छ । गरिबी निवारण, दिगो आर्थिक विकास र विकेन्द्रीकरणमा सहयोग पुर्‍याउने अवधारणाअनुसार २०५७ देखि निर्माणकार्य सुरु भएको करिडोरमा नेपाली सेना र सडक विभागले ट्र्याक खोल्ने काम गरिरहेका छन् ।

पहिलो खण्ड भारत सरकारको ऋण सहयोगमा कालोपत्र भइरहेको छ । दोस्रो खण्डको कार्यालयका प्रमुख इन्जिनियर सुबोध देवकोटाका अनुसार गैंडाकोटदेखि राम्दीसम्म पनि भारत सरकारकै ऋण सहयोगमा भारतीय कम्पनी इकेके इन्फ्राइस्टक्चरले कालोपत्र गरिरहेको छ । जसको कुल लागत साढे ५ अर्ब रुपैयाँ छ । ‘अन्य खण्डमा पनि काम तीव्र गतिमा जारी छ,’ उनले भने, ‘गुल्मी र बागलुङ खण्डको ११४ किमिमध्ये २१ किमि सडकमा शनिबारदेखि काम सुरु भएको छ ।’ गुल्मी खण्डमा शर्मा एन्ड कम्पनी/सगुन जेभी कन्स्ट्रक्सनले काम सुरु गरेको हो । कुल १ अर्ब ८ करोड रुपैयाँमा ठेक्का भएको यस खण्डमा सगुन कन्स्ट्रक्सनले ५५ करोड रुपैयाँमै सक्ने गरी काम थालेको छ ।

सगुन कन्स्ट्रक्सनका सहदेव खड्काले झण्डै ५० प्रतिशत कममा ठेक्का सम्झौता गरेको भए पनि सम्झौता अवधिभन्दा अगाडि नै सक्ने गरी काम सुरु गरिएको बताए । २८ महिनाको समयसीमा तोकिएकोमा २ वर्षअघि नै काम सक्ने उनको दाबी छ । उनका अनुसार सडक ११ मिटर चौडा हुनेछ । जसमा ८ मिटर कालोपत्र र बाँकी नालीसहितको ‘सेटब्याक’ रहनेछ । करिडोर डीभीएसटी प्रविधिमा कालोपत्र हुनेछ ।

करिडोर निर्माण र स्तरोन्नतिसँगै गुल्मीको पूर्वी क्षेत्र र बागलुङको पश्चिमी क्षेत्रस्थित कालीगण्डकी किनारका दुर्गम गाउँ सुगम बन्दै बजार र व्यापारिक केन्द्रमा परिणत हुन थालेका छन् । दुर्गम र विकट बस्तीमा पनि यातायातको सहज पहुँच पुगेको छ । व्यापारिक महत्वसँगै करिडोरले सांस्कृतिक र तटीय क्षेत्रको वातावरणीय सुन्दरता र पर्यटकीय क्षेत्रको विकासमा पनि योगदान दिने विश्वास त्यस क्षेत्रको विकाससँग सरोकार राख्नेहरूको छ । कालीगण्डकी सरोकार समूहका सदस्य टीकाराम ढकालले करिडोर धार्मिक महत्त्वले पनि अति महत्त्वपूर्ण रहेको बताए । ‘हिन्दु र बौद्ध धर्मावलम्बीका लागि लुम्बिनी, रुरु क्षेत्र, मुक्तिनाथ र मानसरोवर क्षेत्रलाई पनि सडकले नजिक बनाएको छ,’ उनले भने ।

करिडोरअन्तर्गत पाल्पाको राम्दीदेखि रानीमहलसम्म ५ सय मिटर मात्र ट्र्याक खुल्न बाँकी रहेको करिडोरको पाल्पास्थित कार्यालयले जनाएको छ । रानीमहल नजिकै मन्द्राङको भीरमा ट्र्याक खुल्न समस्या भएपछि अहिले नयाँ स्थानबाट ट्र्याक खोल्न लागिएको छ । उक्त ट्र्याक खुल्नासाथ गैंडाकोटदेखि जोमसोमको कोरलासम्म यातायात सहज रूपले सञ्चालन गर्न सकिने इन्जिनियर देवकोटाको दाबी छ ।

निर्माण पूरा भए करिडोरले दुई प्रदेशका ६ जिल्लाका २० लाख बढी जनसंख्यालाई सिधा सडक सञ्जालमा जोड्नेछ । करिडोरले यी क्षेत्रको कृषिजन्य उत्पादन, पर्यटन विकास, विद्युत् उत्पादनमा समेत ठूलो सहयोग पुर्‍याउने कालीगण्डकी गाउँपालिकाका रामजी ढकालले बताए । ‘यसले धार्मिक तथा सांस्कृतिक पर्यटन क्षेत्रको प्रचारप्रसारमा पनि योगदान पुग्नेछ,’ उनले भने ।

source: ekantipur

Enter new domain name to register

Latest Posts

                                                                  Copyright@ www.neumine.com | All right Reserved.