neumine       
        No.1 Times                        

90 seconds Quick Review. www.neumine.com
Read All >>Click Here सबै पड्नुहोस >>
youtube Facebook Tiktok BBC Live CNN Live Yahoo Msn          
  Covid 19 updates अन्तरबार्ताहरु कान्तिपुर टि. भी. Live Onlinekhabr BBC Nepali बि बि सी नेपाली(live)
Top 50 websites Top youtube Channels
Breaking News(Read All >>Click Here सबै पड्नुहोस )
Sky news Live ABC News Live Live.com google.com Gmail
Breaking News(Read All >>Click Here सबै पड्नुहोस )
आज तक Live Watch Al Jazeera English Live Reuters Wall Street Journal China News Xinhuanet.com RT News Live ईकान्तिपुर
Breaking News(Read All >>Click Here सबै पड्नुहोस )
Tmall.com Twitch.tv Business:Investing Economist Fortune
Tmall.com Baidu.com Bloomberg Live ESPN Gol TV Live Shanghai Sports Live Watch NASA Live Sky Sport History Channel Live Discovery Channel Live FreeFire Play Free Online Game Netflix, Hulu, HBO, Disney+, Prime Video, and more! Viral Videos, Movies and Tv Shows Play Mobile Game online Free Watch Movies,TV Shows Free Fans Share  हाम्रो पात्रो ट्प युटुब भिडिओहरु सिडिएस एंड क्लेयरिङ्ग   नेप्से   मेरो लगानी ई सेवा नया नेपाली चलचित्रहरु/मनोरंजन


शिलान्यासको १४ महिनासम्म नागढुंगा सुरुङमा अलमल (भिडियो)

२२ मंसिर, काठमाडौं । २०७६ कात्तिक ४ मा सिस्नेखोला–दहचोक (नागढुंगा) सुरुङमार्गको दहचोकमा शिलान्यास गर्दै प्रधानमन्त्री केपी शर्मा ओलीले भनेका थिए, ‘काठमाडौंबाट यसो छिरेर उता हेटौंडा निकालेको गीत हामीले हेरेको हौंला । अब यता (दहचोक)बाट छिरेर उता (सिस्नेखोला) निक्लिएको त अब ४२ महिनापछि भइहाल्छ ।’

प्रधानमन्त्रीले भनेझैं २.६६८ किलोमिटर लामो यो सुरुङमार्ग ४२ महिनामा निर्माण गरिसक्ने योजना थियो । तर ४२ मध्ये १४ महिना बितिसक्दा पनि सुरुङ खन्न थालिएको छैन । सुरुङमार्गको मुखमा मेसिनको चहलपहल देखिएपनि मुख्य मानिएको सुरुङ खन्ने र फ्लाइओभर निर्माणको काम सुरु हुन बाँकी छ ।

सुरुङ खन्ने काम वैशाख २०७७ बाट सुरु गर्ने योजना थियो, तर त्यसअनुसार काम भएन । सुरुमा मेसिन आइपुगेन । सुरुङको मुखको जग्गाको मुआब्जाको विवाद अझै सल्टिएको छैन । आयोजनाका अनुसार दहचोक र सिस्नेखोला दुबैतर्फ मुआब्जा विवाद सल्टिन बाँकी छन् । आयोजनाले अधिग्रहण गर्ने जग्गाबारे केही स्थानीयको अझै असहमति छ ।

धादिङको सिस्नेखोलातर्फ सुरुमा सरकारी भनिएका जग्गाको लालपूर्जा पाँच जनासँग भेटिएको छ । जग्गाबारे अख्तियार दुरुपयोग अनुसन्धान आयोगले छानविन गरिरहेको छ । अख्तियारले गर्ने छिनोफानोको आधारमा मुआब्जा दिने, नदिने टुंगो लाग्नेछ ।

काठमाडौंको दहचोक क्षेत्रका स्थानीयले निःशुल्क खानेपानी आयोजना र खेल मैदान बनाउनुपर्ने, आफूहरुलाई रोजगारी पाउनुपर्ने लगायतका माग राखेका छन् । उनीहरुसँग चन्द्रागिरी नगरपालिकामार्फत छलफल गरिरहेको आयोनजना प्रमुख नरेशमान शाक्य बताउँछन् । ‘स्थानीयको माग सम्बोधन गर्न पनि पहल गरेका छौं,’ उनले भने ।

मुआब्जा विवाद र स्थानीयको माग मात्र होइन, आयोजनामा प्रयोग हुने विष्फोटक पदार्थ आयातबारे सुरुङमार्ग निर्माणको ठेक्का पाएको जापानिज कम्पनी हाज्मा आन्दो कर्पोरेसन र सरकारकै मत बाझिएको छ । सरकारले नेपाली सेनाले उत्पादन गरेको विष्फोटक पदार्थ प्रयोग गर्न भनेको थियो, तर ठेकदार कम्पनीले गुणस्तरको प्रश्न उठाउँदै यो प्रयोग गर्न नसकिने जनाउ दिएको छ ।

ठेकदार कम्पनीले सुरुङ खन्न आवश्यक यन्त्र उपकरण आयात र जडानमा पनि ढिलाइ गर्‍यो । मेसिन आयातमा भन्सार छुटलगायतको प्रक्रियामा ढिलाइ भयो ।

अहिले उपकरण निर्माणस्थलमा आइपुगेपनि सुरुङ खन्न चाहिने फ्रेम तयार भएको छैन । ‘फ्रेम बनाउने बुटवलको उद्योगमा कोरोना देखिएपछि ढिलाइ भयो,’ आयोजना प्रमुख शाक्य भन्छन्, ‘केही दिनमा डेलिभरी हुन्छ ।’

सुरुङ खन्नुअघि दुईतिरको मुखमा गर्नुपर्ने तयारीका कामहरु भने अहिले भइरहेको छ । तर सुरुङ कुन मितिबाट खन्न थालिन्छ भन्ने अझै अन्योल छ । पुसको पहिलो साताबाट खन्ने काम थाल्न सकिने अनुमान आयोजना प्रमुख शाक्यको छ ।

गर्नुपर्ने काम धेरै

यो सुरुङमार्ग २.६८ किलोमिटर (२६८८ मिटर) लामो हुनेछ । कोटेश्वर–सूर्यविनायक खण्ड र बीपी राजमार्गलाई ८ लेनमा विस्तार गर्ने काम हाज्मा कम्पनीले पाएकाले आयोजना निर्माणमा ढिलाइ नहुने दाबी सरकारले गर्दै आएको छ ।

तर आयोजनाको करिब ५० प्रतिशत काम सुरुङ बाहिरै गर्नुपर्ने छ । सुरुङसँग राजमार्गलाई जोड्न पहुँच सडक र फ्लाइओभर पनि निर्माण गर्नुपर्ने छ । यो काम गर्न करबाहेक साढे १३ अर्बमा आयोजना ठेक्का लागेको थियो ।

सुरुङमार्गलाई त्रिभुवन राजपथसँग जोड्न २.८७ किलोमिटर (२ हजार ८७२) को पहुँचमार्ग पनि बनाउनुपर्छ । पहुँचमार्गका लागि गुर्जुधाराचोक र सुरुङको मुखभन्दा मुनि दुईवटा फ्लाइओभर बनाउनुपर्छ । गुर्जुधारामा बन्ने फ्लाइओभर ६१० मिटरको हुनेछ ।

कलंकीबाट बलम्बु हुँदै नागढुंगा जोड्ने सडक क्रस गराउन करिब १५० मिटर लामो अर्को फ्लाइओभर बनाउनुपर्छ । २ लेनको सुरुङमार्गमा १० मिटर चौडाइको भेन्टिलेसन र जेट फ्यान जडान पनि गर्नुपर्छ ।

कुनै दुर्घटना भए आकस्मिक उद्धारका लागि अर्को एक लेन (४ मिटर) को सहायक सुरुङ पनि बनाउनुपर्नेछ । अष्ट्रेलियन टनेलिङ मेथडबाट बिष्फोटक प्रयोग गरेर यो सुरुङमार्ग बन्नेछ । यस अन्तर्गत ठूला ड्रिलिङ मेसिनहरु प्रयोग हुनेछन् । सुरुङमार्ग बनाउन ५ सयदेखि ६ सय मेट्रिक टन विष्फोटक पदार्थ चाहिने अनुमान छ ।

सुरुङमार्ग र पहुँचमार्गमा करिब २२ अर्ब खर्च हुने अनुमान छ । यसमध्ये १६ अर्ब ६० करोड जापान सरकारले ०.०१ प्रतिशत व्याजदरमा ४० वर्षका लागि सहुलियतपूर्ण ऋण उपलब्ध गराएको छ भने नेपाल सरकारको ५ अर्ब ५३ करोड रुपैयाँ खर्च गरिँदैछ ।

सुरुङमार्ग निर्माण भएपछि नौबिसेबाट २० मिनेटमा काठमाडौं आइपुगिनेछ र उपत्यका प्रवेश गर्न नागढुंगा नाकामै घण्टौं जाममा बस्नुपर्ने बाध्यता अन्त्य हुने विश्वास गरिएको छ । यही राजधानी प्रवेशलाई सहज बनाउने महत्वपूर्ण आयोजना पूर्वतयारी नसकी हतारमा ठेक्का लगाएर शिलान्यास गरिहाल्ने प्रवृत्तिको शिकार बनेको छ ।

source: onlinekhabar

For Web hosting and Domain Registration/Renew: Contact No. : +977 9810125888

Latest Posts

                                                                  Copyright@ www.neumine.com | All right Reserved.