neumine       
        No.1 Times                        

90 seconds Quick Review. www.neumine.com
Read All >>Click Here सबै पड्नुहोस >>
youtube Facebook Tiktok BBC Live CNN Live Yahoo Msn          
  Covid 19 updates अन्तरबार्ताहरु कान्तिपुर टि. भी. Live Onlinekhabr BBC Nepali बि बि सी नेपाली(live)
Top 50 websites Top youtube Channels
Breaking News(Read All >>Click Here सबै पड्नुहोस )
Sky news Live ABC News Live Live.com google.com Gmail
Breaking News(Read All >>Click Here सबै पड्नुहोस )
आज तक Live Watch Al Jazeera English Live Reuters Wall Street Journal China News Xinhuanet.com RT News Live ईकान्तिपुर
Breaking News(Read All >>Click Here सबै पड्नुहोस )
Tmall.com Twitch.tv Business:Investing Economist Fortune
Tmall.com Baidu.com Bloomberg Live ESPN Gol TV Live Shanghai Sports Live Watch NASA Live Sky Sport History Channel Live Discovery Channel Live FreeFire Play Free Online Game Netflix, Hulu, HBO, Disney+, Prime Video, and more! Viral Videos, Movies and Tv Shows Play Mobile Game online Free Watch Movies,TV Shows Free Fans Share  हाम्रो पात्रो ट्प युटुब भिडिओहरु सिडिएस एंड क्लेयरिङ्ग   नेप्से   मेरो लगानी ई सेवा नया नेपाली चलचित्रहरु/मनोरंजन


अवहेलना मुद्दा खेपेर चार पूर्वप्रधानन्यायाधीश अदालत धाउँदा …

३ फागुन, काठमाडौं । सर्वोच्च अदालतमा सोमबार पूर्वप्रधानन्यायाधीशहरु मीनबहादुर रायमाझी, अनुपराज शर्मा, कल्याण श्रेष्ठ र सुशीला कार्की आरोपितको भूमिकामा उपस्थित भए । आफूविरुद्ध परेको अवहेलना मुद्दामा उनीहरुले अदालतमै उपस्थित भएर लिखित जवाफ बुझाए ।

सरकारले संसद विघटन गरेपछि उनीहरुले संयुक्त विज्ञप्तिमार्फत उक्त कदम असंवैधानिक रहेको धारणा सार्वजनिक गरेका थिए । अदालतमा विचाराधीन मुद्दा प्रभावित पार्न संयुक्त विज्ञप्ति जारी गरेको भन्दै पूर्वप्रधानन्यायाधीशविरुद्ध अधिवक्ता लोचन भट्टराई र धनजित बस्नेतले दायर गरेको अदालतको अवहेलना मुद्दामा न्यायाधीश मनोजकुमार शर्माको इजलासले माघ १५ गते लिखित जवाफ बुझाउन आदेश दिएको थियो ।

उनीहरुले अदालतमा लिखित जवाफ बुझाउँदै आफूहरुले अदालतको अवहेलना नगरेको र अभिव्यक्ति स्वतन्त्रताको उपयोग गरेको बताए । लिखित जवाफ बुझाएपछि उनीहरुले आफूहरुविरुद्धको मुद्दा सुनियोजित भएको पनि टिप्पणी गरे ।

पूर्वप्रधानन्यायाधीश अनुपराज शर्माले आफूहरुको विज्ञप्तिले अदालतको फैसला गर्ने अधिकारलाई प्रभावित नगरेको भन्दै मुद्दा सुनियोजित ढंगले आएको बताए ।

‘अदालतको फैसला गर्ने अधिकारलाई कुनै पनि हिसाबले प्रभावित गरेको छैन । अवहेलना गर्ने कार्य गरेकै छैन । त्यो वक्तव्यमा कहाँ छ अदालतको उच्चारण ? कुनै वक्तव्यबाट प्रभावित भएर न्याय दिने (व्यक्ति) न्यायाधीश हुँदैन’ उनले भने ।

शर्माले अघि भने ‘मलाई पक्का विश्वास छ कि संविधानमा नै टेकेर यसको फैसला हुन्छ । यो मुद्दा सुनियोजित तरिकाले आएको हो । हामीले संविधानको बाटो देखाउने काम मात्रै गरेको हो हो ।’

पूर्वप्रधानन्यायाधीश मीनबहादुर रायमाझीले भने आफूहरुले संविधानमा व्यवस्था भएको अभिव्यक्ति स्वतन्त्रताको उपयोग गरेको बताए । ‘हाम्रो उच्च संस्थालाई हाम्रो सम्मान रहन्छ । हामी त्यसको आदेशको अवज्ञा गर्न सोच्दा पनि सोच्दैनौं’ उनले भने, ‘अभिव्यक्तिको स्वतन्त्र प्रयोग गरेको हो । अदालतको अवहेलना गर्ने उद्देश्य हुँदा पनि होइन । यो संविधानमा यो व्यवस्था छ है भन्नेसम्म हामीले गर्‍या हो ।’

पूर्व प्रधानन्यायाधीश सुशीला कार्कीले आफूहरुले जारी गरेको विज्ञप्तिलाई न्यायक्षेत्रसंग जोडेर तरंग ल्याउनुपर्ने विषय नै नभएको प्रतिक्रिया दिइन् । ‘हामीले त संविधानमा जे छ त्यही कुरालाई उल्लेख गरेको हो । हामीले संविधानमा यो छ है भनेर भन्यौ । …आइन्दादेखि संविधानको उलंघन हुने कामहरु चाही नहोस् भनेर हामीले भन्या हो । त्यती त भन्न पाइन्छ’ उनले भनिन् ।

आरोपित हुँदा अनौठो अनुभूति

पूर्वप्रधानन्यायाधीश आरोपितको हैसियतमा लिखित जवाफ बुझाउन जाँदा अनौठो अनुभूति भएको पनि बताए । पूर्व प्रधानन्यायाधीश मीनबहादुर रायमाझीले अदालतको अवहेलनाको आरोप लागेर त्यही विषयमा म्याद बुझ्न आउनुपर्दा दुख लागेको बताए ।

‘आफ्नो जन्मस्थललाई पनि कसैले अवहेलना गर्छ र ? त्यस्तो ठाउँमा चार्ज जे लाग्यो त्यो लिएर जाँदाखेरि अलिकति दुख लाग्नु त स्वाभाविकै हो । तारेख, पर्चा भनेको कहिल्यै पनि नलिएको मान्छे’ उनले भने ।

पूर्वप्रधानन्यायाधीश कल्याण श्रेष्ठले अहिलेसम्म आफूलाई न्यायकर्ताको भूमिकाको रुपमा हेरे पनि अहिले न्याय याचकको रुपमा सर्वोच्च आउँदा फरक अनुभव गरेको बताए ।

‘अहिलेसम्म त दुनियाँलाई न्यायीक परीक्षणमा राखेर हेर्यौ होला । न्यायकर्ताको रुपमा हेर्यौ होला । आज हामी आफै न्याय याचक भएर जानुपर्ने अवस्था आयो तर यो नेपाली नागरिकको अधिकार र दायित्व दुवै हुन्छ । हामी उपर कसैले सिकायत गर्न पाउने नै भयो । त्यसको सम्मान हामी गर्छौं’ उनले भने ।

पूर्वप्रधानन्यायाधीश अनुपराज शर्माले आरोपितको रुपमा अदालत जाँदा पनि सम्मान पाएको प्रतिक्रिया दिए । ‘नचाहदा नचाहदै पनि त्यहाँका कर्मचारीहरुले मलाई मान सम्मान त गर्ने भए । त्यसकारण रियल अनुभूत चाहिँ गर्न सकिएन । मानसम्मानमा कुनै कमी गरेनन् उनीहरुले । त्यसले गर्दा म चाहिँ म्याद बुझ्न आएको जस्तै लागेन म त स्वागतमा बोलाएको हो कि जस्तै लाग्यो’ उनले भने ।

पूर्वप्रधानन्यायाधीश सुशीला कार्कीले न्याय क्षेत्रबाट सेवा निवृत्त भएपछि मुद्दा ब्यहोर्नुपर्दा अनौठो अनुभूति भएको बताइन् । ‘जीवनमा जे जे आउँछ त्यो त गर्दे जानुपर्छ । लाइफ भनेको कुनैे इजी होइन । संघर्ष त मान्छेले गर्छ नै मलाई यसले कुनै केही फरक पारेन’ उनले भनिन् ।

संसद विघटन असंवैधानिक नै हो

पूर्वप्रधानन्यायाधीश कल्याण श्रेष्ठले आफुहरुले जारी गरेको विज्ञप्तीमा प्रतिनिधिसभा विघटन असंबैधानिक छ भनेर भनिएको र त्यसमा आफूहरु यथावत रहेको बताए ।

‘विज्ञप्तिमा विघटन असंबैधानिक छ भनेर भनिएको छ । विघटन असंवैधानिक छ भन्ने कुरामा हाम्रो मान्यता यथावत छ । विज्ञप्ति जारी गर्या छैनौं भन्ने पनि होइन । असंवैधानिक छ भन्ने कुराबाट पछि हट्नुपर्ने कारण पनि छैन । हाम्रो धारणा चाहि जनसाधारणको उपयोगको लागि गरिएको कुरा हो । त्यो धारणाबाट पन्छिनुपर्ने वा बदल्नुपर्ने कुनै परिस्थिति छैन’ उनले भने ।

source: onlinekhabar

For Web hosting and Domain Registration/Renew: Contact No. : +977 9810125888

Latest Posts

                                                                  Copyright@ www.neumine.com | All right Reserved.