neumine       
        No.1 Times                        

90 seconds Quick Review. www.neumine.com
Read All >>Click Here सबै पड्नुहोस >>
youtube Facebook Tiktok BBC Live CNN Live Yahoo Msn          
  Covid 19 updates अन्तरबार्ताहरु कान्तिपुर टि. भी. Live Onlinekhabr BBC Nepali बि बि सी नेपाली(live)
Top 50 websites Top youtube Channels
Breaking News(Read All >>Click Here सबै पड्नुहोस )
Sky news Live ABC News Live Live.com google.com Gmail
Breaking News(Read All >>Click Here सबै पड्नुहोस )
आज तक Live Watch Al Jazeera English Live Reuters Wall Street Journal China News Xinhuanet.com RT News Live ईकान्तिपुर
Breaking News(Read All >>Click Here सबै पड्नुहोस )
Tmall.com Twitch.tv Business:Investing Economist Fortune
Tmall.com Baidu.com Bloomberg Live ESPN Gol TV Live Shanghai Sports Live Watch NASA Live Sky Sport History Channel Live Discovery Channel Live FreeFire Play Free Online Game Netflix, Hulu, HBO, Disney+, Prime Video, and more! Viral Videos, Movies and Tv Shows Play Mobile Game online Free Watch Movies,TV Shows Free Fans Share  हाम्रो पात्रो ट्प युटुब भिडिओहरु सिडिएस एंड क्लेयरिङ्ग   नेप्से   मेरो लगानी ई सेवा नया नेपाली चलचित्रहरु/मनोरंजन


नम्रताको संघर्ष : मन्टेश्वरी शिक्षिकादेखि मिस नेपालसम्म

२२ मंसिर, काठमाडौं । ‘मिस नेपाल बन्ने मेरो सानैदेखिको सपना थियो क्या…’ गर्विलो मुस्कानसहित नम्रता श्रेष्ठले आफ्ना ओठ चलाइन् । ‘नेपाल सुन्दरी’ को ताज पहिरिएको पर्सिपल्ट उनी कोपुण्डोलस्थित हिडेन ट्रेजरको कार्यालयमा सोमबार दिउँसो हामीसँग गफिँदै छिन् ।

कालो लेदर ज्याकेट, जिन्स पाइन्ट र हाइहिलमा सजिएकी उनले कालो-लामो कपाललाई यत्तिकै खुला छोडिदिएकी थिइन् । आम युवतीहरुभन्दा फरक देखिन्नथिइन् । अटुटरुपमा पोखिएको औपचारिक मुस्कानले मात्र ‘मिस नेपाल’को जनाउ दिइरहेको थियो । पहिलोपटक अन्तरवार्ता भए पनि आत्मविश्वासको कमी थिएन ।

हामीले उनको ‘माइन्ड चेक’ गर्न सुरुमै सोध्यौं, ‘कुनै त्यस्तो प्रश्न छ, जुन हामीले नसोधे हुन्थ्यो भन्ने चाहनुहुन्छ ?’

‘त्यस्तो त केही छैन, तर…’ उनले नअक्मकाइकन भनिन्, ‘जीकेसम्वन्धी प्रश्नहरुसँग चाहिँ अलि डर लाग्छ ।’

डर नलागोस् पनि किन ? पछिल्ला दिनमा एकपछि अर्का सेलिबि्रटीहरु सामान्य ज्ञानको प्रश्नोत्तरमा चिप्लिँदा ट्रोलको शिकार बनिरहेका छन् । नम्रता आफ्नो ‘सामान्य ज्ञान’ कमजोर छ भनेर होइन कि तथ्यमा चुकिएला भनेर डराएकी रहिछन् । यद्यपि, हामीलाई पनि उनीसँग लोकसेवाको परीक्षा लिनु थिएन ।

‘तपाईंलाई आफूमा के चिज छ भन्ने लाग्थ्यो, जसले गर्दा सानैदेखि मिस नेपालको सपना देख्न थाल्नुभयो ?’ एउटा मामूली प्रश्न तेस्र्याइयो ।

‘अँ… ममा सानैदेखि एउटा खुबी के थियो भने,’ उनले हौसिएर भनिन्, ‘म आफ्नो हाउभाउ र बोलिबचनले मानिसहरुलाई प्रभावित तुल्याउन सक्थेँ, गाइड गर्न सक्थेँ ।’

थपिन्, ‘म फेरि एकदम धेरै सोच्ने मान्छे क्या ! अनि मिस नेपालमा पनि ‘ओपिनियन म्याटर्स’ नि त ! एउटा लिडर खोज्नुभएको हो नि त उहाँहरुले । त्यो मान्छेहरुलाई गाइड गर्ने क्वालिटी ममा छ जस्तो लाग्थ्यो । त्यही भएर त टिचिङमा आएको नि ।’

(तपाईंको जानकारीका लागि नम्रता एक लाइसेन्सप्राप्त मन्टेश्वरी शिक्षिका हुन् । यो प्रसंगमा पछि आउनेछौं ।)

***

नम्रताले आफ्नो सानैदेखिको सपना साकार गर्ने पहिलो प्रयास चार वर्षअघि गरेकी थिइन् । सन् २०१६ को मिस नेपालमा भाग लिएर उनी टप ५ सम्मै पुगेकी हुन् । तर, उपाधिबाट भने चुकिन् ।

त्योबेला ताज जित्न नसक्नुका कारण खोतल्दै भन्छिन्, ‘अलि हतारमा भाग लिएकी थिएँ । उमेरको हिसाबले पनि अलि अपरिपक्व नै थिएँ क्या ! जीवनमा दुःख गरेको पनि कुनै अनुभव थिएन । मान्छेहरुसँग डिल गर्न जान्दिनथेँ ।’

त्यसबेला टे्रनिङका क्रममा नै आफू मिस नेपाल बन्दिनँ भने उनलाई ‘फिल’ आइसकेको थियो रे । तर, अन्तिम चरणसम्म पुग्छु भन्ने चाहिँ सोचेकी थिइन् ।

‘कथंकदाचित जितेको भए पनि म हाम्रो देशलाई सही तवरले प्रतिनिधित्व गर्न सक्थिनँ होला, किनकि ममा परिपक्वताको अभाव थियो,’ उनले मन बुझाउँदै भनिन् ।

नम्रता सजिलै हार मान्ने स्वभावकी होइनन् । उनलाई जसरी पनि मिस नेपालको ताज भिर्नु थियो । त्यसैले बीचका तीन वर्ष उनले आफूलाई तयार पार्नमा व्यतीत गरिन् । आफ्ना कमजोरी आफैंले पहिचान गरेर त्यसलाई सुधार्दै गइन् । औपचारिक अध्ययन अघि बढाउँदै आफ्नो व्यक्तित्व विकासमा मिहेनत गरिन् ।

गत वर्षको मिस नेपालमा भाग लिने उनले सोचेकी थिइन्, तर खोई किन हो लिइनन् । नलिएर ठिकै भयो जस्तो लाग्छ । यसकारण कि मिस नेपालको ग्रान्ड फिनालेका बेला उनलाई ठेउला आएको थियो । भाग लिएको भए ‘हेल्थ इस्यू’ ले गर्दा उनी फाइनलमा अयोग्य ठहरिन सक्थिन् ।

यसपालिको मिस नेपालमा भाग लिँदा उनी पहिलेको तुलनामा निकै परिपक्व बनिसकेकी थिइन् । ठेउलाको समस्या पनि थिएन । जित्छु भन्ने आत्मविश्वास सुरुदेखि थियो । तर, अन्तिम दिनमा भने आफू धर्मराएको उनी स्वीकार्छिन् ।

‘दोस्रोपटकको प्रयास भएकाले अरुले भन्दा मैले अलि बढी दबाव महसुस गरेँ,’ उनले भनिन्, ‘त्यो दिन बिहानैदेखि तनावमा थिएँ, साथीहरुले तिमी जित्छौ भनेर हौसला बढाएका थिए ।’

अनि जितेपछि ?

‘त्यो मेरो लामो समयदेखि देखेको सपना साकार भएको क्षण थियो,’ नम्रता सम्झन्छिन्, ‘साँच्चै मिस नेपाल भएकी हुँ भनेर विश्वास गर्नै लामो समय लाग्यो । अनुष्का श्रेष्ठले ताज लगाइदिएपछि मैले टाउकोमा हात लगेर छामेकी थिएँ ।’

नेपालमा होस् वा विदेशमा, सौन्दर्य प्रतियोगिता जितेपछि प्रायः सुन्दरीहरु भावविभोर हुन्छन् । खुशीका आँशु झार्छन् । नम्रतालाई पनि त्यस्तो क्षणमा धरधरी रुन्छु होला जस्तो लागेको थियो । तर, खोई किन हो, उनी रोइनन् । मनभित्र भावनाका अनेक छालहरु उर्लिए पनि उनका आँखाहरु ओभाना रहे । उनी आफैंलाई अचम्म लाग्यो ।

तर, त्यो रात उनलााई रातभर निद्रा परेन । मनभित्र नानाथरि कुराहरु खेले । अत्यधिक दुःखमा मात्र होइन, अत्यधिक खुशीले पनि मान्छेको निद्रा बिथोल्छ नै ।

‘बिहान चार बजेतिर निद्रा पर्‍यो होला, ७ बजे त उठिहालेँ,’ उनले भनिन् ।

निद्रा खुल्नासाथ नम्रतालाई एउटा मिठो सपनाबाट ब्युँझिएझैं भयो । टाउको छामिन् । यताउता हेरिन् । हिजो उनले जितेको ताज टेबलमा टक्रक्क थियो । उनले ताज उठाएर सुम्सुम्याइन् र टाउकोमा लगाइन् । विश्वास भयो कि त्यो सपना थिएन । ऐना हेरिन् । गमक्क परिन् । सेल्फी खिचिन् । फेरि गमक्क परिन् ।

गमक्क पर्ने क्रम दिनभरि नै चलिरह्यो । फोन र म्यासेजको जवाफ दिईसाध्ये थिएन । घर पुग्दा उनलाई भेट्न आउनेहरुको ताँती थियो । दिउँसो उनलाई वडा कार्यालयले बोलाएर सम्मान गर्‍यो । त्यसबेला नम्रता मात्र नभएर उनकी आमा पनि गमक्क परिन् ।

यसपटक पनि ताज नजितेको भए के नम्रताले यो प्रतियोगितामा ‘ह्याट्रिक’ गर्ने सम्भावना थियो ?’

‘अहँ थिएन । भाग्यमा रहेनछ भनेर छोड्थेँ होला । बरु भविष्यमा आफ्नी छोरीलाई मिस नेपाल बनाउनतिर लाग्ने थिएँ,’ नम्रताले इमान्दान्दार जवाफ दिइन् ।

***

केही महिनाअघिसम्म नम्रता एक शिक्षिका थिइन् । आफैं सिँगान पुछ्नसमेत नजान्ने साना नानीबाबुहरुलाई ‘ए फर एप्पल’ पढाएर उनको दिनचर्या बित्थ्यो । मिस नेपाल बन्न दौडिएकी उनले शिक्षण पेशा किन रोजिन् त ?

नम्रता भन्छिन्, ‘मैले कतै सुनेकी थिएँ, कि तपाईंलाई आफ्नो जीवन सरल बनाउनु छ भने बच्चाहरुसँग बढीभन्दा बढी समय बिताउनुस् । यो भनाइले ममा निकै प्रभाव पारेको थियो । साथै, शिक्षण पेशाको अनुभवले आफ्नो व्यक्तित्व विकास गर्ने र मिस नेपाल बन्ने लक्ष्यमा सहायक बन्न सक्ने पनि ठानेँ ।’

सन् २०१७ मा नम्रताले मन्टेश्वरी तालिम लिइन् । त्यसपछि यूरो किड्स स्कुलमा एक वर्ष काम गरिन् । तर, घरबाट टाढा पर्ने भएपछि त्यो छोडिन् । अनि, कुपण्डोलमा अर्को स्कुल ज्वाइन गरिन् । त्यसमा पनि एक वर्ष काम गरेपछि छोडिन् र मिस नेपालको स्पर्धामा हेलिइन् ।

दुई वर्षको मन्टेश्वरी अनुभवले आफूलाई निकै परिपक्व बनाएको उनी ठान्छिन् ।

‘अवोध बच्चाहरुसँग टाइम बिताउँदा सिकाउने मात्र होइन, धेरै कुरा सिक्न पनि पाइँदो रहेछ,’ उनले भनिन्, ‘म पहिले बच्चा रोएको समेत हेर्न सक्दिनँथे, तर अब रोएका बच्चालाई फुल्याउन पोख्त भएँ । बच्चाहरुलाई ह्यान्डल गर्दा मेरो धैर्यता र सहनशक्ति बढ्यो ।’

यद्यपि, यो एकदमै दुःखको काम भएको उनको स्वीकारोक्ति छ । कामको पेलानअनुरुप आर्थिक प्रतिफल निजी स्कुलका शिक्षक-शिक्षिकाले नपाएको उनी बताउँछिन् ।

‘साना बच्चाहरुलाई सिकाउन सबैभन्दा गाह्रो काम हो । शिक्षक-शिक्षिकाहरुले बालबच्चा, विद्यालय व्यवस्थापन र विद्यार्थीका बाबुआमासँग एकसाथ डिल गर्नुपर्छ । दुःख त एकदमै हुन्थ्यो । तर, हरेक दिन विद्यालयबाट घर फर्किँदा बच्चाहरुलाई आज यस्तो सिकाएँ भन्ने आत्मसन्तुष्टि पनि सँगसँगै हुन्थ्यो,’ उनले भनिन् ।

नम्रताको अनुभवमा देश र समाजले कम आँके पनि यो सबैभन्दा चुनौतिको पेशा हो । शिक्षक-शिक्षिकाका प्रत्येक बोली-बचन र व्यवहारले बच्चाहरुलाई प्रभाव पार्ने हुँदा निरन्तर सतर्क रहनुपर्ने उनी बताउँछन् ।

‘नेपालमा अरु केही विकल्प नभएपछि टिचिङ गर्छु भन्नेखालको मानसिकता छ । तर, यो एकदमै जिम्मेवार पेशा हो,’ उनी भन्छिन्, ‘तपाईंले एउटा पनि गलत कुरा पढाउनुभयो भने बच्चाहरुलाई आजीवन त्यसले असर गर्छ । बच्चामा पढाएका/सिकाएका कुराहरुको छाप सदैव बसिरहन्छ । शिक्षक-शिक्षिका नै बच्चाहरुका सबैभन्दा ठूला आइडल हुन् । त्यसैले हरेक दिन राम्रो तयारी गरेर विद्यालय जानुपर्छ ।’

नम्रतालाई सोधियो, ‘मिस नेपाल भएपछि त अब फेरि बच्चा पढाउने काममा फर्किनुहुन्न होला है ?’

उनले आफ्नो योजना सुनाइन् ।

‘बच्चाहरु पढाएर म अघाएकी छैन, बरु अब आफैं विद्यालय सञ्चालन गर्न चाहन्छु,’ उनले भनिन् ।

***

नम्रताको ध्यान अब निसन्देह मिस वल्र्डमा हुनेछ । सन् २०२१ मा आयोजना हुने ७० औंं मिस वल्र्डमा उनले नेपालको प्रतिनिधित्व गर्नेछिन् । यसको उत्साह र दबावले उनलाई एकसाथ थिचिरहेको छ ।

नम्रताभन्दा अघिल्ला दुई मिस नेपालले मिस वर्ल्डमा ‘ब्यूटी विथ प्रपोज’ को महत्वपूर्ण टाइटल जितेका थिए । अब यसमा ह्याटि्रक गर्ने जिम्मेवारी नम्रताको काँधमा छ । तर, उनी ब्यूटी विथ प्रपोजलाई मात्रै फोकस नगर्ने बताउँछिन् ।

‘त्यो निकै महत्वपूर्ण विधा हो, तर मैले एउटामा मात्रै फोकस गरेँ भने अरुमा पछि पर्न सक्छु, त्यसैले सबै पाटोमा उत्तिकै मिहिनेत गर्नेछु,’ उनले भनिन् । ‘वान स्टेप एट अ टाइम’ भन्ने सिद्धान्तलाई मुल मन्त्र बनाउने उनले बताइन् ।

‘आइ जस्ट होप, नेपाललाई बेस्ट वेमा रिपि्रजेन्ट गर्न पाउँ,’ उनले भनिन् । आफ्नो आँखा मिस वल्र्डको उपाधिमै हुने उनले बताइन् ।

समाजशास्त्रकी विद्यार्थी हुन् नम्रता । अहिले मास्टर्स थर्ड सेमेस्टरमा अध्ययनरत छिन् । उनलाई नेपालको समाजलाई गहिरोसँग अध्ययन गर्ने हुटहुटी छ । आफ्नो अध्ययनसँग मेल खाने गरी कुनै राष्ट्रिय वा अन्तर्राष्ट्रिय गैरसरकारी संस्थामा आवद्ध हुन सक्ने सम्भावनालाई उनी नकार्दिनन् ।

पढाइदेखि करिअरसम्मका कुरामा कहिल्यै पनि परिवारले आफूलाई दवाव नदिएको उनले बताइन् । तथापि एकपटक आमाले उनलाई विदेश जान सल्लाह दिएकी थिइन् ।

‘आमाले नेपालमा गाह्रो छ, तिमी विदेश जाउ भन्नुभएको थियो, तर मैले यहीँ बस्ने जिद्दी लिएँ । विदेश जान र घुम्न जति पनि समय छ, तर पहिले म आफ्नो सपना पूरा गर्छु भनेर कन्भिन्स्ड गरेँ । अहिले आमा पनि खुशी हुनुहुन्छ,’ नम्रताले सुनाइन् ।

***

प्रत्येक मिस नेपाललाई ‘सोध्नैपर्ने’ केही कर्मकाण्डी प्रश्नहरु छन्, जुन छुटाएर हामीले परम्परा तोड्न चाहेनौं :

अब फिल्ममा नायिका बन्न अफर आयो भने के गर्नुहुन्छ ?

मिस नेपाल भएपछि नायिका नै बन्नुपर्छ भन्ने छैन । पहिले चाहेको भए फिल्म खेल्न सक्थेँ पनि होला । तर, रुची लागेन । फेरि दुईजना नम्रता श्रेष्ठ अलरेडी फिल्म इन्डष्ट्रीमा हुनुहुन्छ । म पनि थपिएर दर्शकलाई अलमलमा पार्न चाहन्न -हाँसो)

विवाहका बारेमा के योजना छ ?

खोई कहिले हुन्छ, हुन्छ । अलि पछि नै होला सायद । विवाह त गर्नुपर्छ । जीवन साथी चाहिन्छ नै । तर, विवाहपछि पिँजडामा बाँधिएको जस्तो अनुभव नहोस ।

कस्तो पुरुषले तपाईंलाई आकर्षित गर्छन् ?

मलाई पुरुषको शारीरिक आकर्षणले भन्दा पनि गुड म्यानरले आकषिर्त गर्छ । मलाई माया गर्ने मात्र नभएर सम्मान पनि गर्ने पुरुष चाहिन्छ । म मायालाई भन्दा सम्मानलाई माथि राख्छु । लुक्स जति राम्रो भए पनि यदि व्यवहार ठीक छैन भने त्यो पुरुष मेरा लागि बनेको होइन । फिजिकल एपियरेन्स अलि पछि आउँछ ।

कसैसँग प्रेममा हुनुहुन्छ कि हुनुहुन्न ?

छैन, छैन । आइ वाज विथ डिप रिलेसनसीप विथ मिस नेपाल क्राउन सिन्स फोर इयर्स । ब्वाइफ्रेन्ड बनाएर हिँड्ने फुर्सद पनि भएन । क्राउन त भेटेँ, प्रेमी पछि भेट्छु होला । (हाँसो)

source: onlinekhabar